2016 წლის ზაფხულში ამავე მაღაზიის წინ მდგარი „საქართველოს ბანკის“ სწრაფი ჩარიცხვის აპარატიც მოიპარეს. აპარატი მიწაში დაახლოებით ნახევარ მეტრზე რკინებით იყო დამონტაჟებული, თუმცა ქურდებმა მოთხარეს და მისი წაღება მაინც შეძლეს. ქურდობიდან მეორე დღეს სწრაფი ჩარიცხვის აპარატი ქალაქგარეთ, ნაკვეთებში იპოვეს დამწვარი და გატეხილი. ფული წაღებული იყო. გასულ წელს, ამავე ქუჩაზე „საქართველოს ბანკის“ სწრაფი ჩარიცხვის კიდევ 2 აპარატი გატეხეს, რის შემდეგაც ბანკმა 9 აპრილის ქუჩაზე განთავსებული ყველა აპარატი მოხსნა და სხვა ადგილას გადაიტანა.

9 აპრილის ქუჩაზე მცხოვრებთა ინფორმაციით, ქურდობის თითქმის ყველა ფაქტის დროს გარეგანათება გამორთული იყო.

ქურდობის ფაქტებზე შსს-მ გურჯაანის სამმართველოში გამოძიება დაიწყო, მაგრამ არც ერთი საქმე არ არის გახსნილი. დაზარალებულებს პოლიციაში განუცხადეს, რომ ეჭვმიტანილი არ ჰყავთ.

წყარო: reginfo