სარფში დიდი ოდენობით ოქროს საიუველირო ნაკეთობები აღმოაჩინეს

12-02-2018

საბაჟო გამშვებ პუნქტ „სარფში“, ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე, აზერბაიჯანის მოქალაქის ე.ჯ-ს, ფიზიკური დათვალიერების შედეგად, დიდი ოდენობით ოქროს საიუველირო ნაკეთობები (საერთო წონა 694.89 გრამი) აღმოაჩინეს.

საქონლის საბაჟო ღირებულებამ 44,994.10 ლარი შეადგინა. საქმე, შემდგომი რეაგირების მიზნით, საქართველოს ფინანსთა სამინისტროს საგამოძიებო სამსახურის, საგამოძიებო დეპარტამენტის აჭარისა და გურიის სამმართველოს გადაეცა.