14-02-2018
„ვიპოვი, ბიჭებო, ვიპოვი“,-ეს იყო პოლკოვნიკ დოდო გუგეშაშვილის პირველი სიტყვები შვილის ცხედართან და თანამებრძოლებს ამოხედა.
გუგეგაშაშვილს შვილის გარდაცვალების შესახებ დღეს შეატყობინეს.
ის ღუდუშაურის საავადმყოფოდან ძმის სახლში, სადაც ნოდარ გუგეშაშვილის ცხედარია დასვენებული, ცოტა ხნის წინ რეანომობილით გადაიყვანეს. მას თან ექიმები ახლავს.
გუგეგაშაშვილს დღეს საავადმყოფოში დააბრუნებენ, ხვალ კი შვილის დაკრძალვას დაესწრება.
შეგახსენებთ, დიღმის მასივში, გუგეშაშვილების ოჯახზე თავდასხმა 7 თებერვალს მოხდა. შედეგად მოკლულია ნოდარ გუგეშაშვილი, ხოლო დოდო გუგეშაშვილი მძიმედ დაიჭრა. დამნაშავე ამ დრომდე დაკავებული არ არის.
გამოძიება განზრახ მკვლელობის და დამამძიმებელ გარემოებაში ჩადენილი განზრახ მკვლელობის მცდელობის ფაქტზე, სისხლის სამართლის კოდექსის 108-ე და 19-109-ე მუხლებით მიმდინარეობს.