გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    მარტი 2024    »
 123
45678910
11121314151617
18192021222324
25262728293031

გიორგი ვოლსკი: სახელისუფლო სტრუქტურები ყველაფერს აკეთებენ, რომ საოკუპაციო რეჟიმის პირობებში მცხოვრებ ადამიანებს დახმარება აღმოუჩინონ

16-04-2020


სახელისუფლო სტრუქტურები ყველაფერს აკეთებენ, რომ ეროვნების მიუხედავად დახმარება აღმოუჩინონ საოკუპაციო რეჟიმის პირობებში მცხოვრებ ადამიანებს აფხაზეთსა და ცხინვალის რეგიონში, სადაც ამ რეჟიმიდან გამომდინარე დღეს გაცილებით უფრო რთული ვითარებაა, - განაცხადა პარლამენტის თავმჯდომარის პირველმა მოადგილემ გიორგი ვოლსკიმ მას შემდეგ, რაც პარლამენტის ტერიტორიული მთლიანობის აღდგენისა და დეოკუპაციის საკითხებთან დაკავშირებული დროებითი კომისიის, საგარეო ურთიერთობათა კომიტეტის ცალკეულმა წევრებმა სამთავრობო სტრუქტურების მონაწილეობით განიხილეს ცხინვალის რეგიონში და აფხაზეთში არსებული ვითარება.


„გარკვეული რესურსები კიდევ არსებობს და ამ რესურსების განაწილებისთვის, გაზიარებისთვის ვართ მზად. დარწმუნებული ვარ, რომ ეს მესიჯი მიაღწევს ჩვენს ნებისმიერ თანამოქალაქის ყურამდე და გაითვალისწინებენ იმას, რომ საქართველოს ხელისუფლება, ისევე როგორც ნებისმიერი ჩვენგანი, ისევე როგორც საქართველოს დანარჩენ ტერიტორიაზე მცხოვრები ნებისმიერი მოქალაქე, განიცდის არსებულ ვითარებას. ნუ აჰყვებიან იმ სულელურ, მავნებლურ პროპაგანდას, რასაც საოკუპაციო რეჟიმი ეწევა. ჩვენ მზად ვართ თანადგომისათვის. ბევრი გავაკეთეთ და კიდევ მეტი შეგვიძლია გავაკეთოთ. ამასთან დაკავშირებით საზღვრების გადაკეტვა, ისეთი რეჟიმის შექმნა, რომ ვერ მივაწოდოთ დახმარება, არის არაადამიანური და არ შეესაბამება იმ პრინციპებს, რომელსაც შეფიცეს ექიმებმა, აფხაზი იქნება ის, ოსი, ქართველი თუ ნებისმიერი სხვა ეროვნების. ამაზე შევთანხმდით და გარკვეული პრაქტიკული საკითხებიც განვიხილეთ“, - განაცხადა გიორგი ვოლსკიმ.​