სამართლიანად ჩატარდა თუ არა არჩევნები
ხონის პედაგოგები კვალიფიკაციას გერმანიაში აიმაღლებენ
16-11-2017
პროექტი, რომელიც შრომის ბაზარზე სათანადო კვალიფიკაციის მქონე პროფესიული კადრების გადამზადებას უზრუნველყოფს, სტარტს ხონში აიღებს. პროფესიულ სასწავლებელში ძირითადად ადგილობრივი პედაგოგები დასაქმდებიან, რომლებიც კვალიფიკაციას გერმანიაში აიმაღლებენ. პირველი საკონსულტაციო შეხვედრა მეწარმეებთან, „დამსაქმებელთა ასოციაციის“ და საქართველოს პარლამენტის რეგიონული პოლიტიკისა და თვითმმართველობის კომიტეტის თავმჯდომარის გრიგოლ ლილუაშვილის ინიციატივით გაიმართა.
გრიგოლ ლილუაშვილის განმარტებით, პროფესიული გადამზადება და სათანადო კადრების მომზადება მთავრობის ოთხპუნქტიანი გეგმის მთავარი კომპონენტია.
„საქართველოს მთავრობის ოთხპუნქტიანი გეგმის პრიოროტეტს განათლება და პროფესიული სწავლება წარმოადგენს. სწორედ ამიტომ „დამსაქმებელთა ასოციაციის“ ინიციატივითა და საერთაშორისო ორგანიზაციების დახმარებით ხონში პროფესიული გადამზადების ცენტრის შექმნა იგეგმება, რომელიც ადგილობრივი მოსახლეობის გადამზადებასა და დასაქმებას უზრუნველყოფს.’’ - განაცხადა გრიგოლ ლილუაშვილმა.
