აჭარაში კორონავირუსზე 900-ზე მეტი მედიკოსი გამოიკვლიეს.

როგორც აჭარის ჯანდაცვის სამინისტროში განაცხადეს, კორონავირუსი არც ერთს არ დაუდასტურდა. უწყების ცნობით, მედიკოსების გარდა იკვლევენ საკარანტინო სივრცეში დასაქმებულ პერსონალსა და მებაჟეებს.

ბათუმში კორონავირუსის პირველი შემთხვევის დადასტურებიდან დღემდე კვლევა 3 565 პაციენტს ჩაუტარდა.

ამასთან, ჭარაში საკარანტინო სივრცე 1 707 ადამიანი რჩება, 4 200-მდე მოქალაქემ კი უკვე დატოვა. აჭარის ჯანდაცვის მინისტრის მოადგილე ნინო ნიჟარაძის განცხადებით, რეგიონში მდგომარეობა სტაბილურია.

საქართველოში კორონავირუსი 539 ადამიანს დაუდასტურდა, აქედან 178 უკვე გამოჯანმრთელდა, 6 კი გარდაიცვალა. კარანტინის რეჟიმში - 5256 ადამიანი იმყოფება, ხოლო სტაციონარში მეთვალყურეობის ქვეშ 548 ადამიანი რჩება.

საქართველოს კიდევ 3 მოქალაქეს კორონავირუსი სხვა ქვეყნებში დაუდასტურდა და ისინი საქართველოში აგრძელებენ მკურნალობას.

ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.