სამართლიანად ჩატარდა თუ არა არჩევნები
გურჯაანის მუნიციპალიტეტის სოფელ ძირკოკში VI-VII საუკუნეების სამარხები აღმოაჩინეს
4-05-2020
გურჯაანის მუნიციპალიტეტის სოფელ ძირკოკში ორი სამარხი აღმოაჩინეს, რომელიც VI-VII საუკუნეებით თარიღდება. სპეციალისტებმა ბრინჯაოსგან დამზადებულ ბეჭდებსაც მიაკვლიეს. შუა საუკუნეების სამარხებს ერთ-ერთმა ადგილობრივმა სახლის ეზოში სამუშაოების დროს აღმოაჩინა და გურჯაანის მერიის ძეგლთა დაცვის სამსახურს შეატყობინა.
„აღმოჩნდა ბრინჯაოსაგან დამზადებული ბეჭდები, რომლებიც გადაეცემა შესანახად და გამოსაკვლევად გურჯაანის ისტორიულ-ეთნოგრაფიულ ფონდსაცავს. სამარხების აღმოჩენამ მთლიანად შეცვალა სოფელ ძირკოკის ისტორია. ირკვევა, რომ დღევანდელი სოფლის ტერიტორია ჯერ კიდევ ადრეული შუა საუკუნეებიდან ყოფილა დასახლებული“, - ამბობს გურჯაანის მუნიციპალიტეტის მერიის ძეგლთა დაცვის სამსახურის სპეციალისტი თამაზ მარკოზაშვილი.
სოფელ ძირკოკში არქეოლოგიური სამუშაოები საქართველოს კულტურული მემკვიდრეობის დაცვის ეროვნული სააგენტოს დახმარებით განხორციელდა.
