მოსახლეობის 48 პროცენტს მამაკაცები, 52 პროცენტს კი ქალები შეადგენენ

6-05-2020

მიმდინარე წლის 1-ლი იანვრის მდგომარეობით, საქართველოში მამაკაცების რიცხოვნობამ 1 790.3 ათასი კაცი შეადგინა, რაც საქსტატის ინფორმაციით, წინა წელთან შედარებით პრაქტიკულად უცვლელი რიცხვია, ხოლო ქალების რიცხოვნობა 0.3 პროცენტით შემცირდა და 1 926.6 ათასი შეადგინა.

ამასთან, საქართველოს მოსახლეობის 48 პროცენტი მამაკაცი, ხოლო 52 პროცენტი – ქალია.

სქესთა რაოდენობრივი თანაფარდობის მაჩვენებელი კი 92.9-ს წარმოადგენს, რაც იმას ნიშნავს, რომ ყოველ 100 ქალზე 92.9 მამაკაცი მოდის. აღსანიშნავია, რომ 35 წლამდე ასაკში მამაკაცები ჭარბობენ ქალებს, ხოლო 35 წლის ასაკიდან ქალების რიცხოვნობა აღემატება მამაკაცებისას, რაც გამოწვეულია მამაკაცებთან შედარებით ქალების უფრო მაღალი სიცოცხლის მოსალოდნელი ხანგრძლივობით.