26-05-2020
ჩემთვის დამოუკიდებლობა და თავისუფლება ერთმანეთთან ასოცირდება. მაგრამ, როცა ჩვენ დამოუკიდებლები არ ვიყავით და დაპყრობილები გვერქვა, ჩვენ მაშინაც თავისუფლები ვიყავით, ჩემი შეგრძნებით ყოველთვის ასეა, - ამის შესახებ თბილისის ინფექციური საავადმყოფოს სამედიცინო დირექტორმა, მარინა ეზუგბაიამ „მაესტროს“ ეთერში განაცხადა.
„დამოუკიდებელი შეიძლება არ იყო, მაგრამ თავისუფალი იყო. ჩემთვის საქართველო ყოველთვის ასეთი იყო. დამოუკიდებელი იყო თუ დაპყრობილი, ის მუდამ თავისუფალი იყო“, - აღნიშნა ეზუგბაიამ.
26 მაისი საქართველოს დამოუკიდებლობის დღეა. ზუსტად 102 წლის წინ, 1918 წლის 26 მაისს, თბილისში საქართველოს ეროვნულმა საბჭომ სახელმწიფოებრივი დამოუკიდებლობის აქტი მიიღო.