გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    მარტი 2024    »
 123
45678910
11121314151617
18192021222324
25262728293031

რუსლან აბაშიძესა და საქართველოში ისრაელის სახელმწიფოს საგანგებო და სრულუფლებიან ელჩს შორის დისტანციური შეხვედრა გაიმართა

3-06-2020

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძესა და საქართველოში ისრაელის სახელმწიფოს საგანგებო და სრულუფლებიან ელჩ რონ გიდორს შორის დისტანციური შეხვედრა გაიმართა.


რონ გიდორმა კიდევ ერთხელ დაადასტურა მისი ქვეყნის ურყევი პოზიცია და სრული მხარდაჭერა საქართველოს ტერიტორიულ მთლიანობასთან დაკავშირებით.


მთავრობის თავმჯდომარემ მიაწოდა ინფორმაცია აფხაზეთის ავტონომიური რესპუბლიკის მთავრობისა და შემავალი სტრუქტურული ერთეულების საქმიანობის შესახებ, ასევე გააცნო ოკუპირებულ აფხაზეთში დღეს არსებული მდგომარეობა. საუბარი შეეხო საოკუპაციო რეჟიმის მხრიდან ადამიანის ფუნდამენტური უფლებების დარღვევის ფაქტებს, მათ შორის თავისუფალი მიმოსვლის შეზღუდვას, იძულებით პასპორტიზაციას, ქართულ ენაზე განათლების მიღების უფლების აკრძალვას და სხვა.


ასევე, რუსლან აბაშიძემ რონ გიდორს მადლობა გადაუხადა ახალი კორონავირუსის (COVID-19) პანდემიის დროს ისრაელის ხელისუფლების მხრიდან ისრაელში მცხოვრები საქართველოს მოქალაქეების მიმართ თანადგომისა და მხარდაჭერისთვის.


ისრაელის ელჩი ასევე დაინტერესდა COVID-19-ის პანდემიის პერიოდში ოკუპირებულ აფხაზეთში არსებული მდგომარეობით. რაზეც, მიიღო ინფორმაცია, რომ ოკუპირებულ ტერიტორიაზე მცხოვრებ მოსახლეობას ახალი კორონავირუსის გავრცელების შესაჩერებლად საქართველოს მთავრობამ საერთაშორისო ორგანიზაციების მეშვეობით სამედიცინო-ჰუმანიტარული დახმარება გაუწია.


მხარეებმა ასევე სოფლის მეურნეობის სფეროში სამომავლო თანამშრომლობის შესაძლებლობა განიხილეს.