გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    მარტი 2024    »
 123
45678910
11121314151617
18192021222324
25262728293031

თორნიკე რიჟვაძე: კრიზისულ ეტაპზე მნიშვნელოვანი ინიციატივები განხორციელდა საინვესტიციო გარემოს ხელშეწყობისა და ეკონომიკის სტიმულირების მიზნით

9-06-2020

დღეს აჭარის მთავრობის თავმჯდომარე აჭარის უმაღლესი საბჭოს წინაშე ყოველწლიური ანგარიშით წარდგა. თორნიკე რიჟვაძემ შეაჯამა COVID 19 -ის გავრცელების შეკავების მიზნით განხორციელებული ღონისძიებები როგორც რეგიონის, ასევე ქვეყნის მასშტაბით.


მთავრობის თავმჯდომარემ აღნიშნა, რომ საქართველოს პრემიერ-მინისტრის ხელმძღვანელობით შექმნილი უწყებათაშორისი საკოორდინაციო საბჭოს და აჭარაში შექმნილი რეგიონული შტაბის მუშაობის შედეგია ის, რომ დღეს რეგიონში ახალი ინფიცირების არც ერთი შემთხვევა არ გვაქვს. ბათუმი გამოცხადდა მწვანე ზონად.


"გაკეთდა მაქსიმუმი, რომ არც ერთი ადამიანი არ დარჩენილიყო ელემენტარული ზრუნვის გარეშე. არ დაგვიკლია რესურსი რომ ჩვენი მოქალაქეები მშვიდად გამოსულიყვნენ ამ პროცესიდან. კონკრეტული სტატეგია, რომელიც მიზნად ისახავდა შეჩერებას, გულისხმობდა ეპიდოლოგების და პროფესიონალების რეკომენდაციების გათვალისწინებას და ეკონომიკის აღდგენას“, - განაცხადა თორნიკე რიჟვაძემ.


მყისიერად მოხდა ბიუჯეტში 23 მლნ ლარის მობილიზება. 7 300 000 ლარი გამოიყო საკარანტინე ზონების მოსაწყობად რეგიონში, რითაც 8600-ზე მეტმა მოქალაქემ ისარგებლა. საკარანტინე ზონები იყო შესაძლებლობა ეკონომიკური ზარალის წინაშე მდგომი სასტუმროებისთვის, შეენარჩუნებინათ პერსონალი და შესაბამისად ეს ადამიანები არ დარჩენილიყვნენ უმუშევრად. აჭარის მთავრობის ჩართულობით არაერთი მოქალაქე დაბრუნდა საქართველოში.


აჭარის მთავრობის სარეზერვო ფონდიდან, აჭარის ექვსივე მუნიციპალიტეტში მცხოვრები ოჯახებისთვის 7000 სასურსათო კალათის შესაძენად 367 332 ლარი დაიხარჯა. არ დარჩენილა არც ერთი მოწყვლადი ოჯახი სასურსათო კალათის გარეშე.


10 დღის განმავლობაში აეწყო ბათუმის რესპუბლიკური საავადმყოფო და მოეწყო როგორც კოვიდ 19 მართვის კლინიკა, რისთვისაც ჯანდაცვის სამინისტროდან გამოიყო 9 000 000 ლარი.


საქართველოს მთავრობის მიერ შემუშავებული ანტიკრიზისული გეგმით მხოლოდ აჭარაში 6000 ზე მეტმა ადამიანმა ისარგებლა.


საინვესტიციო გარემოს ხელშეწყობისა და ეკონომიკის სტიმულირების მიზნით, კრიზისულ ეტაპზე სხვადასხვა ინიციატივა განხორციელდა, კერძოდ ინვესტორებისთვის 6 თვით მოხდა ვალდებულების გადავადება და საგანგებო მდგომარეობის პერიოდში პირგასამტეხლოები არ დაკისრათ.


მიუხედავად იმის, რომ აჭარა იყო განსაკუთრებული გამოწვევის წინაშე როგორც საზღვრისპირა რეგიონი ჯანდაცვის სამინისტრომ მოახერხა რომ კლინიკური მართვის ნაწილში აჭარა იყო სამაგალითო რისთვისაც მთავრობის თავმჯდომარემ მადლობა გადაუხადა ექიმებს.