12-06-2020
მდინარე ალაზანში 60 წლამდე კაცს მაშველები მეორე დღეა, ეძებენ. შემთხვევა დედოფლისწყაროში გუშინ საღამოს მოხდა.
imedinews-ის ინფორმაციით, კაცი, რომელიც მწყემსად ალაზნის პირას ერთ-ერთ ფერმაში მუშაობდა, მეგობრებთან ერთად მდინარეში შევიდა, თუმცა წყლიდან გამოსვლა ვეღარ შეძლო. გავრცელებული ინფორმაციით, ის ნასვამ მდგომარეობაში იყო.
ამ დრომდე ადგილზე მობილიზებული არიან საგანგებო სიტუაციების მართვის სმსახურის თანამშრომლები. აქვე იმყოფება მყვინთავდა ჯგუფი. მიმდინარეობს ალაზნის ფსკერის და მიმდებარე ტერიტორიის დათვალიერება.