სამართლიანად ჩატარდა თუ არა არჩევნები
Embawood-ის გორის ფილიალის თანამშრომელს კორონავირუსი დაუდასტურდა
12-06-2020
Embawood-ის გორის ფილიალის თანამშრომელს კორონავირუსი დაუდგინდა. დაავადებათა კონტროლის რეგიონული ცენტრის ხელმძღვანელის, ეკა ქორჩაშვილის ინფორმაციით, ამ ეტაპზე ინფიცირების წყარო უცნობია.
8 ადამიანი, რომელთა შორის უმეტესობა Embawood-ის თანამშრომელია, თვითიზოლაციაშია გადაყვანილი. მიმდინარეობს ღრმა ეპიდემიოლოგიური კვლევა. ნიმუშების პასუხს ელოდებიან ინფიცირებული ქალის შვილისგანაც, რომელიც ერთ-ერთ საფინანსო ორგანიზაციაში მუშაობს, თუმცა შვილის კონტაქტები თითქმის არაა, რადგან ის დისტანციურად მუშაობდა.
კორონავირუსის 1 ახალი შემთხვევა გამოვლინდა კასპშიც, წყარო ცნობილია და რესპუბლიკურის მედდის კონტაქტია. 5 ადამიანი თვითიზოლაციაშია იმყოფება.
საქართველოში კორონავირუსი 837 ადამიანს დაუდასტურდა, აქედან 697 უკვე გამოჯანმრთელდა, 13 ადამიანი კი გარდაიცვალა.
ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.
21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.
