წალენჯიხაში გარდაცვლილი წვევამდელის ბექა რუსიას საქმეზე ბრალდებულს სამი წლით თავისუფლების აღკვეთა შეეფარდა

26-02-2018

წალენჯიხის რაიონის სოფელ მუჟავაში, ტაბელური იარაღიდან გასროლის შედეგად გარდაცვლილი წვევამდელის, ბექა რუსიას საქმეზე ბრალდებულს სამი წლით თავისუფლების აღკვეთა შეეფარდა. აღნიშნული გადაწყვეტილება მოსამართლე შოთა ბიჭიამ მიიღო.
პროკურატურა ბრალდებულისთვის პატიმრობის შეფარდებას, ხოლო ადვოკატი ნინელი ქოიავა პირობითი მსჯავრის გამოყენებას ითხოვდა.
წალენჯიხის სოფელ მუჟავაში წვევამდელი 26 ოქტომბერს გარდაიცვალა. მომხდარზე საქმე სს კოდექსის 116-ე მუხლით აღიძრა, რაც გაუფრთხილებლობით სიცოცხლის მოსპობას გულისხმობს.

"ინტერპრესნიუსი"