26-02-2018
ცხინვალში გარდაცვლილი არჩილ ტატუნაშვილის გადმოსვენებისა და ორი დაკავებულის საკითხს ერგნეთში არაგეგმიური შეხვედრაზე განიხილავენ. შეხვედრა, რომელიც სუს-მა მოითხოვა, დღეს, 15: 00 საათზე დაიწყება.
“სახელმწიფო უსაფრთხოების სამსახურის მოთხოვნით, 3 საათზე, ერგნეთში, ინციდენტების პრევენციის და მათზე რეაგირების მექანიზმის (IPRM) მონაწილეების არაგეგმიური შეხვედრა ჩაინიშნა, სადაც განხილული იქნება არჩილ ტატუნაშვილის ცხედრის გადმოსვენების და დაკავებულების -ლევან ქუტაშვილის და იოსებ პავლიაშვილის ცენტრალური ხელისუფლების მიერ კონტროლირებად ტერიტორიაზე უმოკლეს ვადაში გადმოსვლის საკითხები”-ნათქვამია განცხადებაში.