ფოთში სასწრაფო დახმარების ახალი სამედიცინო ცენტრი შენდება

27-02-2018

ფოთში სასწრაფო დახმარების ახალი სამედიცინო ცენტრი შენდება. როგორც „ინტერპრესნიუსს“ რეგიონული განვითარებისა და ინფრასტრუქტურის სამინისტროდან აცნობეს, ქვეყნის მასშტაბით, ამ ეტაპზე 40-ზე მეტი სასწრაფო დახმარების ახალი სამედიცინო ცენტრის მშენებლობა მიმდინარეობს. ერთ-ერთი თანამედროვე ტიპის, ახალი ცენტრი მალე ფოთის მოსახლეობას მოემსახურება.

რეგიონული განვითარებისა და ინფრასტრუქტურის მინისტრი ზურაბ ალავიძე, სამეგრელოს რეგიონში იმყოფებოდა, სადაც ცენტრის მშენებლობა ადგილობრივ ხელისუფლებასთან ერთად დაათვალიერა.

ფოთის სასწრაფო დახმარების სამედიცინო ცენტრი მაისიდან შევა ექსპლუატაციაში. წლების განმავლობაში სამედიცინო პერსონალს სხვა შენობაში უწევდა ყოფნა. მალე საგანგებო სიტუაციების და გადაუდებელი დახმარების ცენტრის რაიონული ფილიალი ახალ შენობაში განთავსდება.
ახალი ცენტრი თანამედროვე სტანდარტებით აშენდება და საჭირო ტექნიკით იქნება აღჭურვილი.

"ინტერპრესნიუსი"