სამართლიანად ჩატარდა თუ არა არჩევნები
გიორგი ვაშაძე: ცვლილებები არის კონსენსუსის და ჩვენი დიდი ბრძოლის შედეგი
30-06-2020
გიორგი ვაშაძე პოლიტიკური პროცესების ნორმალიზების აუცილებელ პირობად გიორგი რურუას გათავისუფლებას მიიჩნევს. „ახალი საქართველოს“ ლიდერის თქმით, ამასთან, საარჩევნო კოდექსში შესაბამისი ცვლილებები უნდა შევიდეს.
„პროცესების ნორმალიზებისთვის აუცილებელია რომ რურუა გათავისუფლდეს, პროცესების ნორმალიზებისთვის აუცილებელია საარჩევნო კოდექსში შევიდეს შესაბამისი ცვლილებები და პროცესების ნორმალიზებისთვის აუცილებელია „ქართულმა ოცნებამ“ ძალადობაზე აიღოს ხელი. ცვლილებები არის კონსენსუსის და ჩვენი დიდი ბრძოლის შედეგი. „ქართულმა ოცნება“ ტაშისკვრით მიიღო ცვლილებები. ეს ჩვენი გამარჯვებაა, ასეთივე ტაშისკვრით გადავიყვანთ ოპოზიციაში“, - განაცხადა ვაშაძემ.
პარლამენტმა საკონსტიტუციო ცვლილებებს კენჭი მესამე მოსმენით დაამტკიცა. კანონპროექტს მხარი დაუჭირა 117-მა დეპუტატმა, 3-მა კი წინააღმდეგ მისცა ხმა. რეგისტრაცია გაიარა 120-მა დეპუტატმა. კენჭისყრაში „ნაციონალური მოძრაობა“ და ევროპული საქართველო“ არ მონაწილეობდა.
