სამართლიანად ჩატარდა თუ არა არჩევნები
სამეგრელო-ზემო სვანეთის ადმინისტრაციაში სახელფასო დანამატის სახით 183 677 ლარი გაიცა
28-02-2018
საერთაშორისო გამჭვირვალობა-საქართველომ" კვლევა გაავრცელა გუბერნატორების ადმინისტრაციების მიერ 2017 წელს ხელფასებზე, დანამატებსა და პრემიებზე, ასევე საწვავზე, სატელეფონო საუბრებზე, მივლინებებზე და რესტორნებში გაწეული ხარჯების შესახებ, რომლის მიხედვითაც სახელფასო დანამატის სახით ყველაზე დიდი თანხა სამეგრელო-ზემო სვანეთის ადმინისტრაციაში - 183 677 ლარის ოდენობით გაიცა.
"2017 წელს პრემიის სახით ყველაზე დიდი თანხა 53 050 ლარის ოდენობით კახეთის ადმინისტრაციაში გაიცა;
2017 წელს სახელფასო დანამატის სახით ყველაზე დიდი თანხა გაიცა სამეგრელო-ზემო სვანეთის ადმინისტრაციაში - 183 677 ლარის ოდენობით. 2016 წელს გაცემული სახელფასო დანამატის მაჩვენებლითაც პირველ ადგილზე სამეგრელო-ზემო სვანეთის ადმინისტრაციაა (204 183.11 ლარი);
აღსანიშნავია, რომ 2017 წელს გაცემული სახელფასო დანამატის ოდენობა, 2016 წელთან შედარებით, ყველა ადმინისტრაციაში შემცირებულია. შემცირებულია ასევე გაცემული პრემიის ოდენობები. გურიის ადმინისტრაციაში გაიზარდა გაცემული პრემიის და დახმარების ოდენობა - 2017 წელს 47 905 ლარი გაიცა, 2016 წელს კი 33 510 ლარი” - აღნიშნულია კვლევაში.
