საქართველოს სახელმწიფო უსაფრთხოების სამსახურის განცხადებით, კოდა-ჭვრინისის სეგმეტზე ხელოვნური ბარიერების აღმართვის ფაქტი გასულ თვეში დაფიქსირდა.

„ჩვენი შეფასებით ეს არის რუსეთის საოკუპაციო ძალების მიერ ე.წ. ბორდერიზაციის უკანონო პროცესის გაგრძელების მორიგი ფაქტი, რომელიც თავისმხრივ ადგილობრივი მოსახლეობისთვის არა მარტო ქმნის კონკრეტულ პრობლემებს, არამედ პირდაპირი მნიშვნელობით აზიანებს უსაფრთხოების გარემოს ადგილზე“, - განაცხადეს სუს-ში.

მათივე ინფორმაციით, სუს-ის წარმომადგენელმა დეტალურად ისაუბრა ცენტრალური მთავრობის სახელით გუშინ ერგნეთში გამართულ IPRM-ის შეხვედრაზე. ე.წ. ბორდერიზაციის პროცესის ამსახველი დეტალური მასალა ასევე გაზიარებულ იქნა ეუთოს და ევროკავშირის მონიტორინგის მისიის მხრიდან წარმოდგენილ საერთაშორისო მედიატორებთან.

ერგნეთის მომდევნო შეხვედრა 2017 წლის 19 დეკემბერს გაიმართება.

წყარო: reginfo.ge