გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    აპრილი 2025    »
 123456
78910111213
14151617181920
21222324252627
282930 

სოფელ ჩანახჩში სკოლა ვაგონებშია განთავსებული

17-11-2017

მარნეულის მუნიციპალიტეტის ახქერფის თემის სოფელ ჩანახჩში არასრული საჯარო სკოლა 13 წელია ვაგონებშია განთავსებული. სკოლაში ამჟამად 17 მოსწავლეა და 9 კლასი ფუნქციონირებს. ვაგონები შიგნიდან დაზიანებულია, ხის იატაკზე ღარების დასაფარად თუნუქია დაკრული.

სკოლის დირექტორის მანანა მანუკიანის განმარტებით, მათ სკოლას ადრე ორსართულიანი შენობა ჰქონდა, რომელიც სომხეთში მომხდარი მიწისძვრის შემდეგ დაინგრა.

„ძველი სკოლის შენობაში 100-ზე მეტი მოსწავლე გვყავდა. ბავშვები იმიტომ შემცირდნენ, რომ ოჯახები სოფლიდან წავიდნენ. ვინც დარჩა, 9 კლასს აქ ამთავრებს, მერე საშუალო განათლების მისაღებად ახქერფის სკოლაში დადიან. ახალი სკოლის მშენებლობის თხოვნით განათლების სამინისტროს მივმართეთ. იმედი გვაქვს, ახალი სკოლა გვექნება“, – ციტირებს მანანა მანუკიანის კომენტარს მარნეულის სათემო რადიო.

სოფელ ჩანახჩის საჯარო სკოლამ წელს ორი პირველკლასელი მიიღო. ბავშვები სპეციალური საჭიროების მქონენი არიან, თუმცა სკოლაში შესაბამისი კვალიფიკაციის მასწავლებელი არ ჰყავთ.

სოფელი ჩანახჩი მარნეულიდან 70 კილომეტრით არის დაშორებული.


წყარო: reginfo.ge