სამართლიანად ჩატარდა თუ არა არჩევნები
ზაზა გახელაძისა და ხვიჩა მღებრიშვილის გათავისუფლების მოთხოვნით ერგნეთში აქცია გაიმართა
15-07-2020
სამოქალაქო საზოგადოების წევრებმა და პოლიტიკური პარტიების წარმომადგენლებმა დღეს ერგნეთში აქცია გამართეს. აქციის წევრები იმ დაკავებულების გათავისუფლებას ითხოვენ, რომლებიც ცხინვალში იმყოფებიან.
ზაზა გახელაძისა და ხვიჩა მღებრიშვილის მხარდასაჭერად სამოქალაქო მოძრაობის წევრები თბილისიდან ჩავიდნენ, მათ ანტისაოკუპაციო მოძრაობის წევრებიც შეუერთდნენ.
შეგახსენებთ, 3 ივლისს, გორის მუნიციპალიტეტის სოფელ აძვთან 47-წლის ხვიჩა მღებრიშვილი, 11 ივლისს კი, - 33-წლის ზაზა გახელაძე დააკავეს. დაკავებულების ჯანმრთელობის მდგომარეობის შესახებ დე-ფაქტო
რესპუბლიკის წარმომადგენლებს განცხადება არ გაუვრცელებიათ.
მათთან შეხვედრას წითელი ჯვრის საერთაშორისო კომიტეტის წევრები ცდილობენ, თუმცა პანდემიის მიზეზით, დე-ფაქტო ხელისუფლება შეხვედრის პროცედურებს აჭიანურებს.
აქცია ერგნეთის საგუშაგოსთან უნდა გამართულიყო, თუმცა შინაგან საქმეთა სამინისტრომ აქციის მონაწილეები სოფელში არ შეუშვა.
