17-07-2020
დე-ფაქტო სამხრეთ ოსეთში კორონავირუსის 2 ახალი შემთხვევა დადასტურდა. ამის შესახებ ინფორმაციას ოსური საინფორმაციო სააგენტო ,,რესი" ავრცელებს.
დე-ფაქტო რესპუბლიკის მთავრობის ოფიციალური გამოცემის თანახმად, ერთ-ერთი
მათგანი რუსეთიდან დაბრუნებული მოქალაქეა, ხოლო მეორე - სამედიცინო პერსონალის წარმომადგენელი.
ბოლო 24 საათში სულ 33 ნიმუში იქნა აღებული.
საერთო ჯამში, მაისიდან დღემდე, დე-ფაქტო რესპუბლიკაში კორონავირუსის 89 შემთხვევაა დადასტურებული.