სამართლიანად ჩატარდა თუ არა არჩევნები
ივანიშვილი: ჩვენ კარგად ვიცით რეალობა, რომ ხალხს ჯერ კიდევ უჭირს
20-07-2020
"ხალხს მეტი სიცხადე სჭირდება, მეტი სიახლოვეა მათთან საჭირო. ჩვენ კარგად ვიცით რეალობა, რომ ხალხს ჯერ კიდევ უჭირს. ამ გაჭირვების გამომწვევი ობიექტური მიზეზების განმარტება, მათ ყოფას ვერ აუმჯობესებს. ქვეყნის წინსვლას არა აქვს ფასი, თუ თითოეული ადამიანი, თითოეული ოჯახი ეკონომიკურად არ მოძლიერდა", - განაცხადა "ქართული ოცნების" თავმჯდომარემ ბიძინა ივანიშვილმა.
მისივე განცხადებით, ეკონომიკური წარმატება და კეთილდღეობა პირველ რიგში, განათლებით მიიღწევა.
"ჩვენმა გუნდმა უმნიშვნელოვანესი გადაწყვეტილება ბიუჯეტის მეოთხედის განათლებაში დახარჯვის შესახებ. განათლება და ეკონომიკური კეთილდღეობა - სწორედ ეს იქნება ქართული ოცნების სამოქმედო გეგმა და მიზანი მომდევნო წლების განმავლობაში. ამის მყარი საფუძვლები ჩვენ უკვე ჩაყრილი გვაქვს და მას ახლა განმტკიცება სჭირდება", - აღნიშნა ივანიშვილმა.
