სამართლიანად ჩატარდა თუ არა არჩევნები
საქართველოში იაპონიის ელჩი ონის მუნიციპალიტეტს ესტუმრა
21-07-2020
ონის მუნიციპალიტეტში ვიზიტის ფარგლებში, საქართველოში იაპონიის ელჩმა, მისმა აღმატებულებამ, ბატონმა ტადაჰარუ უეჰარამ სსიპ ონის სიმონ სხირტლაძის სახელობის საჯარო სკოლის უფროსკლასელებს საჯარო ლექცია ჩაუტარა. ღონისძიებას ესწრებოდნენ ონის მუნიციპალიტეტის მერის მოვალეობის შემსრულებელი, დავით ჩიკვაიძე და ონის მუნიციპალიტეტის საკრებულოს თავმჯდომარე, შუქურა ჯაფარიძე.
ელჩმა უეჰარამ მოსწავლეებს გააცნო იაპონიის დიპლომატიური სამსახური და მისი თავისებურებები, ისაუბრა მისი ქვეყნის წინაშე მდგარი გამოწვევების და მიღწეული წარმატებების შესახებ. ელჩმა თავის გამოსვლაში ხაზი გაუსვა ორ ქვეყანას შორის არსებულ მსგავსებებს, ჩამოყალიბებულ პარტნიორულ ურთიერთობებს და თანამშრომლობის სამომავლო პერსპექტივებს.
ღონისძიების დასასრულს ელჩმა დამსწრეთა კითხვებს უპასუხა და ბავშვებს მცირედი საჩუქრები გადასცა.
