21-07-2020
დაავადებათა კონტროლის ცენტრის დირექტორის მოადგილის პაატა იმნაძის განცხადებით, გარდაბანში ჯერჯერობით გამკაცრებული ზომების მიღება საჭირო არაა, მთავარია მოსახლეობამ აუცილებელი რეკომენდაციები დაიცვას.
"მოსახლეობა ჩვენთან გარდაბანში ძალიან კარგად თანამშრომლობს. მოდიან ადამიანები და იკვლევენ ყველაფერს. ჯერჯერობით, ვფიქრობ, რაიმის გამკაცრება არ იქნება საჭირო. მთავარია, ყველა ადამიანმა უნდა დაიცვას უმარტივესი წესები. უნდა გვახსოვდეს, რომ წესებს თუ არ დავიცავთ, კორონა არ გაჩერდება.
ყველას უნდა გვეკეთოს ნიღაბი და ასევე დავიცვათ სოციალური დისტანცია, ამ შემთხვევაში არავითარი საშიშროება არ არსებობს,"-განაცხადა იმნაძემ.