სამართლიანად ჩატარდა თუ არა არჩევნები
მარინა ეზუგბაია: კორონავირუსის 12 ახალი შემთხვევიდან სამის წყარო უცნობია
23-07-2020
ინფექციური საავადმყოფოს სამედიცინო დირექტორის მარინა ეზუგბაიას განცხადებით, კორონავირუსის 12 ახალი შემთხვევიდან ხუთი დადასტურებულ შემთხვევასთან კონტაქტში მყოფი პირია, ორი გაჩიანის კლასტერს განეკუთვნება, კიდევ ორი კი იმპორტირებულია. ეზუგბაიას თქმით, სამი შემთხვევის წყარო უცნობია და კონტაქტების დასადგენად ეპიდემიოლოგიური კვლევები მიმდინარეობს.
"დაგვემატა 12 ახალი დადასტურებული შემთხვევა - სულ 1085 დადასტურებული შემთხვევაა. გამოჯანმრთელებულების რიცხვი 4-ით გაიზარდა და საერთო ჯამში, მათი რაოდენობა 911-ია. ამ მონაცემების გათვალისწინებით, COVID ცენტრებში 196 პაციენტი მკურნალობს. 5 პაციენტი აქედან არის დადასტურებულ შემთხვევასთან კონტაქტი. 2 არის ახალი დადასტურებული შემთხვევა გაჩიანის წყაროდან, 2 კი იმპორტირებულია. სამი ინფიცირებულის წყაროს მოძიება გრძელდება," -განაცხადა ეზუგბაიამ.
