24-07-2020
კორონავირუსით ინფიცირებული, თელავის მუნიციპალიტეტის სოფელ ყარაჯალაში მცხოვრები, ათი თვის ჩვილი, გამოჯანმრთელდა. ინფორმაცია ამის შესახებ, დაავადებათა კონტროლის ცენტრის კახეთის განყოფილებაში დაადასტურეს.
ცენტრის ხელმძღვანელის, ნელი ხიზანიშვილის ინფორმაციით, გოგონას ჯანმრთელობის კარგი მდგომარეობა აქვს.
„ბავშვის ბოლო ტესტირების პასუხი უკვე უარყოფითი იყო. ის ჩაითვალა გამოჯანმრთელებულად და დედასთან ერთად, გადაყვანილია საკარანტინო სივრცეში, სადაც გარკვეული დროის განმავლობაში დარჩება“,- განაცხადა ხიზანიშვილმა.
ათი თვის ჩვილს კორონავირუსი 14 ივლისს დაუდასტურდა და მას, თბილისში, ინფექციურ საავადმყოფოში მკურნალობდნენ. ოჯახის წევრებსა და გამოვლენილ კონტაქტებს ვირუსი არ დაუდასტურდათ.
სულ კახეთის რეგიონში, 9274 შესაძლო შემთხვევაა ტესტირებული. დადასტურებულია, მხოლოდ ოთხი.