იორმუღანლოს სკოლის მოსწავლეები და მშობლები ქართული ენის პედაგოგის სამსახურში დაბრუნებას მოითხოვენ

5-03-2018

იორმუღანლოს საჯარო სკოლაში დღეს დილიდან ხმაურია. მე-4 და მე-12 კლასის მოსწავლეები მშობლებთან ერთად, ქართული სექტორის პედაგოგის გათავისუფლებას აპროტესტებენ. 21 მოსწავლე საგაკვეთილო პროცესს არ ესწრება და ქართული ენის პედაგოგის, თეა გურგენიძის სამსახურში დაბრუნებას მოითხოვენ.
აქციის მონაწილეების თქმით, რაიონის რესურსცენტრის ხელმძღვანელი გურგენიძეს მოსწავლის ცემაში სდებს ბრალს და სწორედ ამ მოტივით გაათავისუფლეს სამსახურიდან.
მათივე თქმით, აღნიშნული ბრალდება უსაფუძვლოა და მოთხოვნის არშესრულების შემთხვევაში, ქართულის გაკვეთილებს თეა გურგენიძესთან ერთად კარავში ჩაატარებენ.

"ინტერპრესნიუსი"