გოგი მეშველიანი წალკაში მოსახლეობასთან შეხვედრებს განაგრძობს

16-08-2020

„ბევრი დაპირებების არ მჯერა , ხოლო თქვენს მიმართ ნდობა გამიჩნდა იმიტომ, რომ ზედმეტი პირობა არ მოგვეცით. მხოლოდ იმ საკითხებზე საუბრობთ რის შესრულებასაც შეძლებთ“- ასე მიმართა „ქართული ოცნება-დემოკრატიული საქართველოს“ ბოლნისის, დმანისის, თეთრიწყაროსა და წალკის მაჟორიტარობის კანდიდატს გოგი მეშველიანს, სოფელ სამების მკვიდრმა გულო გულბანმა.

მმართველი გუნდის კანდიდატი წალკის მუნიციპალიტეტში ამომრჩეველთან შეხვედრებს განაგრძობს ამჯერად, სოფლების - კოხტა, ხარება, ჩრდილისუბნი, ტბეთისა და სამების მოსახლეობას მოუსმინა.

გოგი მეშველიანი, დღესვე საგზაო დეპარტამენტის წარმომადგენლებთან ერთად ბარეთისა და საბეჭისის მოსახლეობის საჭიროებებსაც გაეცნო.

კანდიდატმა ყურადღება მიმდინარე სოციალურ პროგრამებზე გაამახვილა და დასძინა, რომ მათი ყოველდღიური ცხოვრების გასაუმჯობესებლად შრომასა და ძალისხმევას არ დაიშურებს.
მოსახლებასთან შეხვედრების პარალელურად გოგი მეშველიანი სოფელ კოხტაში ახალი სკოლის მშენებლობის მიმდინარეობას გაეცნო.