სამართლიანად ჩატარდა თუ არა არჩევნები
კასპის სოფელ ბარნაბიანთკარში გზის მოასფალტების სამუშაოები მიმდინარეობს
21-08-2020
კასპის მუნიციპალიტეტის სოფელ ბარნაბიანთკარის მისასვლელი გზის მოასფალტების სამუშაოები დაიწყო.
გზის კეთილმოწყობა სოფელმეტეხის 9 აპრილის წყაროდან სოფელ ბარნაბიანთკარის ცენტრამდე ორი განშტოებით ხორციელდება. აღნიშნული გზა უმოკლესია თელიანის და სასირეთის მოსახლეობისთვის. მერიის მუნიციპალიტეტის ინფორმაციით, გზაზე მოეწყობა რკინაბეტონის კივუეტები ლითონის ცხაურებით, ეზოში შესასვლელები, საგზაო სამოსი და საგზაო ნიშნები.
გზის სიგრძე 1 955 გრძივი მეტრია, სამუშაოების სრული ღირებულება 1 099 517ლარი, რომელიც რეგიონალური განვითარების ფონდიდან და მუნიციპალიტეტის ადგილობრივი ბიუჯეტიდან ფინანსდება.
სამუშაოები 2 ეტაპად განხორციელდება - 2020 წელს შესრულდება 608 079 ლარის სამუშაოები, ხოლო 2021 წელს 491 438 ლარის. სამუშაოებს შპს „გზები და კეთილმოწყობა“ ახორციელებს.
კასპის მუნიციპალიტეტის მერია განსაკუთრებულ ყურადღებას აქცევს სოფლებში მისასვლელი გზების მოწყობას და ეს გაგრძელდება ვიდრე ყველა სოფელს არ ექნება კეთილმოწყობილი მისასვლელი -აღნიშნა ზაზა მარიდაშვილმა მუნიციპალიტეტის მერის მოადგილემ.
