6-03-2018
შინაგან საქმეთა მინისტრის, გიორგი გახარიას განცხადებით არჩილ ტატუნაშვილის გადმოსვენების საკითხთან დაკავშირებით ქართული მხარე მაქსიმუმს აკეთებს.
ეს განცხადება გახარიამ საერთშორისო კონფერენციის - "ქალები პოლიციაში" გახსნის შემდეგ გააკეთა.
"ამ ტრაგიკულ საკითხთან დაკავშირებით ჩვენ მაქსიმუმს ვაკეთებთ. მაქსიმალურადაა ჩართული სახელმწიფოს ყველა ორგანო და ყველა ინსტიტუტი.
რა თქმა უნდა, ჩვენ დიდი იმედი გვაქვს, რომ ეს ტრაგიკული პრობლემა გონივრულ ვადებში მოგვარდება. ცხედრის გადმოსვენების კონკრეტულ დროზე, კონკრეტულ დღეზე კი მე კომენტარს ვერ გავაკეთებ, რამეთუ ეს უბრალოდ სწორი არ იქნება. უნდა გვესმოდეს, რომ ჩვენ კონკრეტული მოქალაქეების, კონკრეტული ადამიანების ტრაგედიაზე ვსაუბრობთ,",- განაცხადა გიორგი გახარიამ.