ოზურგეთში ახალგაზრდა მამაკაცი მეგობარმა თავში თეფშის ჩარტმით მოკლა

9-03-2018

ოზურგეთის რაიონულ სასამართლოში ახალგაზრდა მამაკაცის  მკვლელობაში ბრალდებული გაასამართლეს. შემთხვევა გარდაცვლილის ბინაში გასული წლის თებერვალში მოხდა. 

მკვლელმა თავში თეფშის რამდენჯერმე ჩარტყმით და სხვადასხვა მძიმე დაზიანებებით მოკლა მეგობარი, შემდეგ კი შემთხვევის ადგილიდან მიიმალა. გარდაცვლილი 24 საათის შემდეგ მეზობელმა იპოვა. დამნაშავე კი რამდენიმე დღიანი ძებნის შემდეგ დააკავეს.

მკვლელობის დღეს დამნაშავე, მისი ბიძა და გარდაცვლილი ერთად იმყოფებოდნენ ვ.მ.-ის საცხოვრებელ სახლში. როგორც მოწმე აცხადებს, მოგვიანებით მან დაიძინა,ხოლო გ.ჩ და ვ.მ. ოთახში მარტო დატოვა .დილით კი ოთახში სისხლის შხეფები და თეფშების ნამსხვრევები დახვდა. ვ.მ. საწოლზე იწვა. მან იფიქრა, რომ ვ.მ.-ის ეძინა და საცხოვრებელი ბინიდან წავიდა.

შემთხვევას შეესწრო აგრეთვე გარდაცვლილის მეგობარი ,რომელმაც სასამართლო სხდომაზე განაცხადა,რომ ვ.მ.-ას ბინაში თავისი ფეხსაცმლის წასაღებად მივიდა. სახლში შესულმა  დაინახა, რომ გ.ჩ. სცემდა ვ.მ.-ას, ასევე დაინახა, როგორ ჩაარტყა ორჯერ თეფში. მან სცადა მათი დამშვიდება, მაგრამ გ.ჩ.-ის მუქარის გამო დატოვა შემთხვევის ადგილი.

სასამართლო სხდომაზე ექსპერტებმა   განმარტეს,რომ დაზიანება მიყენებული იყო მკვრივი და ბლაგვი საგნის, ასევე ბასრი და მჭრელი საგნის მოქმედებით.

იგივე დაადასტურა ლევან სამხარაულის სახელობის სასამართლო-ექსპერტიზის ეროვნულმა ბიურომ.ექსპერტებმა ასევე დაადასტურეს დამნაშავე გ.ჩ.-ის დნმ-ის არსებობა გარდაცვლილის სხეულზე.

დაცვის მხარემ უდავოდ მიიჩნია ბრალდების მხარის მიერ მოპოვებული მტკიცებულებების ნაწილი, თუმცა სადავოს ხდიდა იმ გარემოებას,რომ დამნაშავეს არ ჰქონდა ვ.მ.-ის მოკვლის განზრახვა. ასევე დამნაშავე გ.ჩ.-ამ განმარტა, რომ დაზარალებულმა პირველმა მიაყენა სიტყვიერი და ფიზიკური შეურაცხყოფა. მან თავის დაცვის მიზნით თავში თეფში ჩაარტყა და სახლიდან წავიდა.

ოზურგეთის რაიონული სასამართლოს უბნის ინსპექტორ-გამომძიებლების ჩვენებებიდან ირკვევა,რომ  ბრალდებული გ.ჩ. ცრუობდა და მისი აღწერილი სურათი არ ემთხვეოდა არც გამოძიების შედეგად მიღებულ დასკვნას და არც სხვადასხვა მოწმეთა ჩვენებებს.

მტკიცებულებებიდან გამომდინარე, სასამართლომ მიიჩნია, რომ გარდაცვლილი ვ.მ.-ის სხეულზე მიყენებული დაზიანებები, მათი სიმრავლე და ადგილმდებარეობა, გამორიცხავს დაცვის მხარის ვერსიას.

შესაბამისად,წარმოდგენილი მტკიცებულებები ადასტურებენ გ.ჩ.-ის მიერ ქმედების პირდაპირი განზრახვით ჩადენას. მან გამიზნულად, სიცოცხლის მოსპობის მიზნით ორჯერ ჩაარტყა თავში თეფში და მიაყენა სხეულზე სხვადასხვა სახის მძიმე დაზიანებები.

სასამართლომ დამნაშავედ სცნო გ.ჩ. და მას თავისუფლების აღკვეთა 8 წლის ვადით შეუფარდა.

"გურიის მოამბე"