9-03-2018
სარფის საბაჟო-გამშვებ პუნქტზე მოძრაობა აღდგა.
როგორც შემოსავლების სამსახურის უფროსი ხატია მოისწრაფიშვილი აცხადებს, თურქეთის მხარეს ელექტრონულ სისტემაში არსებული ხარვეზები აღმოფხვრილია და მოძრაობა ორივე მიმართულებით სრულად აღდგა.
შეგახსენებთ, ორი დღის წინ, თურქეთის მხარეს, ელექტრონულ სისტემაში არსებული პრობლემის გამო, ”სარფის” საბაჟო-გამშვებ პუნქტზე ორივე მიმართულებით მოძრაობა შეჩერებული იყო. გუშინ, კი თურქეთის მხარეს მსუბუქი ავტომობილების გადაადგილება იყო შეფერხებული.