ეგზიტპოლის მიხედვით „ქართული ოცნება“ დამაჯერებლად იმარჯვებს

31-10-2020

ავტორიტეტული ამერიკული კომპანია „ფაბლიქ ოპინიონის“ მიერ გამოქვეყნებული ეგზიტპოლების შედეგების თანახმად, 18:00 საათის მონაცემებით პოლიტიკური გაერთიანება „ქართული ოცნება დემოკრატიული საქართველო“ დამაჯერებლად იგებს.

ამერიკულმა ორგანიზაციამ კვლევა ტელეკომპანია „იმედის“ დაკვეთით ჩაატარა.

ეგზიტპოლის შედეგების მიხედვით „ქართულმა ოცნებამ“ ხმების 55 პროცენტი მიიღო, „ნაციონალურმა მოძრაობა გაერთიანებულმა ოპოზიციამ“ 23 პროცენტი, „ევროპულმა საქართველომ“ 3 პროცენტი, „ლელომ“ 3 პროცენტი, „პატრიოტთა ალიანსმა“ 3 პროცენტი, „გიორგი ვაშაძე სტრატეგია აღმაშენებელმა“ 3 პროცენტი, „გირჩმა“ 3 პროცენტი, „ლეიბორისტულმა პარტიამ“ კი 1 პროცენტი მიიღო.