13 მარტის ამინდის პროგნოზი საქართველოში

13-03-2018

 გარემოს ეროვნული სააგენტოს ინფორმაციით, დღეს დასავლეთ საქართველოში  თბილი და უმეტესად უნალექო ამინდია მოსალოდნელი . ჰაერის ტემპერატურა +17, +22 გრადუსამდე მოიმატებს.

ზემო იმერეთსა და კოლხეთის დაბლობზე იქროლებს აღმოსავლეთის მიმართულების ძლიერი ქარი.

აღმოსავლეთ საქართველოზე გავლენას მოახდენს კასპიის ზღვის ჩრდილო - აღმოსავლეთიდან გავრცელებული შედარებით ცივი და ნოტიო ჰაერის მასები, რის გამოც აღმოსავლეთ რაიონებში  უმეტესად ღრუბლიანი, ნისლიანი და ნალექიანი ამინდია მოსალოდნელი.   ჰაერის ტემპერატურა დღის საათებში ბარში +5, +10 გრადუსი იქნება.

ქ. თბილისში მოსალოდნელია შედარებით ცივი, ღრუბლიანი, ნისლიანი და დროგამოშვებით წვიმიანი ამინდი. ჰაერის ტემპერატურა დღის საათებში +6, +8 გრადუსის ფარგლებში დაფიქსირდება.