13-03-2018
ბაზალეთის დევნილთა დასახლებაში ხელისუფლების წარმომადგენლები იმყოფებოდნენ. დუშეთის გამგეობის ინფორმაციით, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი, დუშეთის მაჟორიტარი დეპუტატი ზაქარია ქუცნაშვილი, მცხეთა-მთიანეთის სახელმწიფო რწმუნებული-გუბერნატორი ლევან ზაუტაშვილი, დუშეთის მუნიციპალიტეტის მერი ზურაბ სეხნიაშვილი და მისი მოადგილე ზაქარია ხეხელაშვილი დასახლებაში მცხოვრებ დევნილ ოჯახებს შეხვდენენ და 8-სართულიან კორპუსში დამონტაჟებული ლიფტი დაათვალიერეს.
”აღსანიშნავია, რომ დევნილთა დასახლებისათვის ლიფტის მოწყობა მაჟორიტარი დეპუტატის ზაქარია ქუცნაშვილის წინასაარჩევნო დაპირებას წარმოადგენდა. ლიფტის მონტაჟით მოგვარდა გადაადგილების პრობლემა, რომელიც ადგილობრივებს წლების განმავლობაში აწუხებდა”, - აღნიშნულია ინფორმაციაში.
"ინტერპრესნიუსი"