აჭარისა და გურიის რეგიონებს ბუნებრივი გაზის მიწოდება შეუწყდებათ

28-11-2020

"ქუთაისი-სოხუმის" მაგისტრალური გაზსადენის ქობულეთის 500 მმ განშტოებაზე მომხდარი დაზიანების გამო აჭარისა და გურიის რეგიონებს ბუნებრივი გაზის მიწოდება შეუწყდებათ.

"დაზიანების აღსადგენად ადგილზე მაქსიმალური მობილიზაციაა ყველა შესაბამისი სამსახურის ტექნიკური ჯგუფების, მიმდინარეობს გადაუდებელი სამუშაოები, რათა უმოკლეს ვადებში აღმოიფხვრას პრობლემა და ზემოთაღნიშნულ რეგიონებს აღუდგეს ბუნებრივი გაზის მიწოდება. სამუშაოებს ახორციელებს საქართველოს გაზის ტრანსპორტირების კომპანია" - აცხადებენ ეკონომიკისმ  სამინისტროში.