სამართლიანად ჩატარდა თუ არა არჩევნები
პოლიციელის ლანძღვა-გინებისათვის 32 წლის მამაკაცი 250 ლარით დაჯარიმდა
20-11-2017
დღეს ოზურგეთის რაიონულ სასამართლოში ადმინისტრაციულ პასუხისგებაში მიცემული 32 წლის კ. მ -ს სასამართლო პროცესი შედგა.
2017 წლის 19 ნოემბერს პასუხისგებაში მიცემული კ.მ. ,ნასვამ მდგომარეობაში იმყოფებოდა, როდესაც ჩოხატაურში 9 აპრილის ქუჩაზე, სამართალდამცავი ორგანოს წარმომადგენლებს ლანძღვა და გინება დაუწყო.
როგორც თავად კ.მ.-მ სასამართლო პროცესზე განაცხადა, იგი ბიძაშვილის ქორწილიდან მოდიოდა და მართლაც ნასვამ მდგომარეობაში იმყოფებოდა:“ მეგონა პოლიციას ნარკოლოგიურში მივყავდი და პოლიციას ნამდვილად უწმაწური სიტყვებით მივმართე. ჩადენილ დანაშაულს ვაღიარებ.“
კ.მ. ცნობილ იქნა ადმინისტრაციულ სამართალდამრღვევად და კოდექსის 166-ე და 173-ე მუხლების თანახმად ადმინისტრაციული სახდელის სახით 250 ლარის ოდენობით ჯარიმის გადახდა განესაზღვრა.
წყარო: "გურიის მოამბე"
