ზუგდიდში შიდა გზების ორმული შეკეთება იწყება

14-03-2018

ზუგდიდის მუნიციპალიტეტის შიდა გზების სარეაბილიტაციო სამუშაოები იწყება. ამის შესახებ ინფორმაციას ზუგდიდის მუნიციპალიტეტის მერია ავრცელებს.

მერიის ინფორმაციით პროექტი გზების ორმულ  შეკეთებას გულისხმობს. პირველ ეტაპზე, სარეაბილიტაციო სამუშაოები - ბარამიას, კ.გამსახურდიას, თავისუფლების, მეუნარგიას, პუშკინის, ქუთაისის, მესხიას, თამარ მეფისა და ჯანაშიას ქუჩებზე განხორციელდება.

სამუშაოებისთვის  ადგილობრივი ბიუჯეტიდან 300 000 ლარამდეა გამოყოფილი.

წყალმომარაგებისა და წყალარინების პროექტის დასრულების შემდგომ, ამ გზების სრული რეაბილიტაცია იგეგმება.