გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    მარტი 2024    »
 123
45678910
11121314151617
18192021222324
25262728293031

თეა ახვლედიანი: არაერთხელ განვაცხადეთ მზაობა, ოკუპირებულ ტერიტორიაზე ხანძრის ლიკვიდაციაში კონკრეტული გზებით, მათ შორის ვერტმფრენით ჩავერთოთ

8-01-2021

შერიგებისა და სამოქალაქო თანასწორის საკითხებში სახელმწიფო მინისტრმა თეა ახვლედიანმა აღნიშნა, რომ საქართველოს ხელისუფლება მზადაა დახმარება გაუწიოს აფხაზეთის რეგიონში მცხოვრებ მოსახლეობას სტიქიასთან ბრძოლაში.

„პირველ რიგში, საქართველოს მთავრობის სახელით, მინდა გამოვთქვა წუხილი აფხაზეთის ოკუპირებულ რეგიონში ბოლო დღეებში გაჩენილი ხანძრების გამო, რომელმაც ჩვენს ხელთ არსებული ინფორმაციით სერიოზული ზიანი მიაყენა ადგილობრივ მოსახლეობას და გარემოს.

ოკუპირებულ აფხაზეთში ხანძრის კერების გაჩენისთანავე, საქართველოს ცენტრალური ხელისუფლების მიერ საოკუპაციო რეჟიმს დაუყოვნებლივ ეცნობა ხელისუფლების სრული მზადყოფნის თაობაზე ჩავრთულიყავით და დავხმარებოდით ხანძრის კერების ლიკვიდაციაში.

5 იანვრის დილიდანვე რამდენჯერმე ავამოქმედეთ ცხელი ხაზი ოკუპირებული გალის რაიონში ხანძარსაწინააღმდეგო სამუშაოებში ჩართულობის მზადყოფნის დადასტურების მიზნით. ამასთან, ოკუპირებული აფხაზეთის ტერიტორიის სხვადასხვა ლოკაციაზე, მათ შორის, გაგრაში, ანალოგიურად, არაერთხელ დავაფიქსირეთ მზადყოფნა, დავხმარებოდით ხანძრის ლიკვიდაციაში ვერტმფრენით ჩაქრობით, საჭიროების შემთხვევაში ხელშეწყობის მიზნით.

ამ ეტაპზე ვიმყოფებით დეფაქტო ხელისუფლებასთან ჩვენს ხელთ არსებული ყველა არხისა და მექანიზმის გამოყენებით. ვიმყოფებით რეგულარულ და ინტენსიურ და კონკრეტული პასუხის მიღებისთანავცე მზად ვართ ჩავერთოთ ამ პროცესში,“- განაცხადა სახელმწიფო მინისტრმა.