სამართლიანად ჩატარდა თუ არა არჩევნები
გუდაურში ე.წ.გადასახედის მონუმენტის რეაბილიტაცია დასრულდა
16-03-2018
გუდაურში ე.წ. გადასახედის მონუმენტის პირველი ეტაპის რეაბილიტაცია დასრულებულია. როგორც „ინტერპრესნიუსს“ რეგიონული განვითარებისა და ინფრასტრუქტურის სამინისტროდან აცნობეს, ტურისტებსა და დამთვალიერებლებს განახლებული მონუმენტი დახვდებათ.
პროექტის ფარგლებში, გაკეთდა მოძველებული მოზაიკისა და შენობის „სარტყელის“ აღდგენა, მოხდა კონსტრუქციის გამაგრება. ასევე, მონუმენტამდე მისასვლელ გზაზე ქვაფენილი დაიგო. პროექტი სახელმწიფო ბიუჯეტიდან ნახევარი მილიონი ლარით დაფინანსდა.
განახლებული მუნუმენტი დაათვალიერა რეგიონული განვითარებისა და ინფრასტრუქტურის მინისტრმა ზურაბ ალავიძემ.
მინისტრის განცხადებით, დაგეგმილია მეორე ეტაპის სამუშაოები, რაც ითვალისწინებს გარე პერიმეტრის რეაბილიტაციას -პარკინგის, დასასვენებელი ადგილებისა და სავაჭრო ობიექტების მოწყობას. სამუშაოები მიმდინარე წლის ბოლოს დასრულდება.
"ინტერპრესნიუსი"
