სამართლიანად ჩატარდა თუ არა არჩევნები
პენიტენციური სამსახური: N17 დაწესებულებაში პატიმრებს შორის მომხდარ დაპირისპირებაზე გავრცელებული ინფორმაცია სიცრუეა!
13-02-2021
სპეციალური პენიტენციური სამსახური ეხმიანება მედიაში გავრცელებულ ინფორმაციას იმასთან დაკავშირებით, თითქოს N17 დაწესებულებაში პატიმრებს შორის დაპირისპირება მოხდა და სამი პატიმარია გარდაცვლილი.
სპეციალური პენიტენციური სამსახური აცხადებს, რომ ეს არის სრული სიცრუე და პენიტენციური სისტემის წინააღმდეგ მიზანმიმართული პროვოკაცია, ვინაიდან როგორც ირკვევა ერთ-ერთი პატიმრის ოჯახში განხორციელდა ზარი და მიაწოდეს ინფორმაცია, თითქოს მათი პატიმარი გარდაიცვალა. ეს არის მიზანმიმართული კამპანია პენიტენციური სისტემის წინააღმდეგ, რასაც აუცილებლად მოყვება სამართლებრივი რეაგირება შესაბამისი უწყებების მხრიდან. პენიტენციური სამსახური კი მიმართავს პატიმრების ოჯახებს, არ აყვნენ პანიკას და არ ენდონ გადაუმოწმებელ ინფორმაციას.
ტელეკომპანია "მთავარმა არხმა" დღეს, საღამოს საოინფორმაციო გამოშვებაში გაავრცელა ინფორმაცია, რომ მე-17 დაწესებულებაში მოხდა დაპირისპირება, რის გამოც რამდენიმე პატიმარი გარდაიცვალა.
