გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    მარტი 2024    »
 123
45678910
11121314151617
18192021222324
25262728293031

თამარ ჟვანიამ საარჩევნო თვეში შრომის ანაზღაურების სახით 22 ათასი ლარი აიღო

21-11-2017

ცენტრალური საარჩევნო კომისიის თავმჯდომარემ, თამარ ჟვანიამ ოქტომბერში შრომის ანაზღაურების სახით 22 ათასი ლარი აიღო. 2016 წლის ოქტომბერში, საპარლამენტო არჩევნების შემდეგ, თამარ ჟვანიამ 27 500 ლარი მიიღო.

წელს, თვითმმართველობის არჩევნების შემდეგ, ცესკოს თავმჯდომარემ ხელფასიც და დანამატიც გაორმაგებული ოდენობით აიღო. თამარ ჟვანიას ერთი თვის საშუალო ანაღაურება 5500 ლარია. ოქტომბერში თამარ ჟვანიას ხელფასი 11 000 გახდა, დანამატიც – 11 ათასი ლარი.

ხელფასი გაორმაგების და დანამატების გარეშე  ცესკოს თავმჯდომარეს წლის განმავლობაში მხოლოდ ორ თვეში – თებერვალსა და ივლისში აუღია.

თამარ ჟვანიამ იანვარში, მარტში, აპრილსა და ივნისში 11 ათასი ლარი მიიღო. აქედან 5500 ლარი ხელფასია, 5500 კი პრემია, ან დანამატი.

მაისში ცესკოს თავმჯდომარის შრომის ანაზღაურება 9 900 ლარი იყო, აქედან 4 400 ლარი დანამატი.

სექტემბერში ცესკოს თავმჯდომარემ გაორმაგებული ხელფასი ჩაურიცხეს – 11 ათასი ლარი, ამას 5 500 ლარი დანამატი დაემატა. თამარ ჟვანიას წინასაარჩევნო შრომის ანაზღაურებამ 16 500 ლარი შეადგინა.

ცესკოს მიერ „ბათუმელებისთვის“ გამოგზავნილი ინფორმაციის მიხედვით, ცესკოში უკვე გაიცა ნოემბრის ხელფასიც. თამარ ჟვანიამ მიმდინარე თვეში შრომის ანაზღაურების სახით 15 766 ლარი აიღო.


წყარო: გაზეთი "ბათუმელები"