ბათუმში ბინის მიღების მოთხოვნით დევნილი ოჯახების განაცხადების მიღება მიმდინარეობს

20-03-2018

ბათუმში ბინის მიღების მოთხოვნით დევნილი ოჯახების განაცხადების მიღება მიმდინარეობს. როგორც „ინტერპრესნიუსს“ საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროდან აცნობეს, სამინისტრო ბათუმში, ტაბიძის ქუჩაზე, ბინას 164 დევნილ ოჯახს გადასცემს. 

ბათუმში, ახალაშენებულ კორპუსებში საცხოვრებელი ფართის მიღების მოთხოვნით დევნილი ოჯახების განაცხადების მიღების პროცესი 5 აპრილამდე გაგრძელდება. 

„განაცხადების შევსება აჭარაში რეგისტრირებულ დევნილ ოჯახებს შემდეგ მისამართებზე შეუძლიათ: თბილისი, სამინისტროს მისაღები ცენტრი - თამარაშვილის ქ. N15ა; ბათუმი - აღმაშენებლის ქ.N19 (26 მარტიდან - 1 აპრილამდე); ქუთაისი, სამინისტროს რეგიონალური სამმართველო - აბაშიძის გამზ. N27; ზუგდიდი, სამინისტროს რეგიონალური სამმართველო - ხუბულავას ქ. N6. 
ბათუმში, ტაბიძის ქუჩაზე, მრავალსართულიანი კორპუსების მშენებლობა 2018 წლის შემოდგომაზე დასრულდება“, – აცხადებენ სამინისტროში.

"ინტერპრესნიუსი"