სამართლიანად ჩატარდა თუ არა არჩევნები
ჟოზეფ ბორელი: ვისაუბრეთ საარჩევნო და სასამართლო სისტემების რეფორმაზე, ძალიან მნიშვნელოვანია ეს დემოკრატიისთვის, ინვესტიციების მოზიდვისთვის და ეკონომიკური ზრდისთვის
16-03-2021
ვისაუბრეთ მნიშვნელოვან საკითხებზე, საუბარი იყო საარჩევნო, სასამართლო სისტემების რეფორმაზე, ძალიან მნიშვნელოვანია ეს დემოკრატიისთვის, ინვესტიციების მოზიდვისთვის და ეკონომიკური ზრდისთვის, - ამის შესახებ ევროკომისიის ვიცე-პრეზიდენტმა, საგარეო საქმეთა და უსაფრთხოების პოლიტიკის საკითხებში ევროკავშირის უმაღლესმა წარმომადგენელმა, ჟოზეფ ბორელმა, საქართველოს პრემიერ-მინისტრ ირაკლი ღარიბაშვილთან ერთობლივ პრესკონფერენციაზე განაცხადა.
როგორც ევროკომისიის ვიცე-პრეზიდენტმა აღნიშნა, შეხვედრაზე მან ხაზი გაუსვა სასამართლო სისტემის რეფორმას.
„მე ხაზი გავუსვი , რომ საქართველომ სასამართლო სისტემის რეფორმის დანაპირები უნდა შეასრულოს და უზენაესი სასამართლოს მოსამართლეების მიმართ ნდობა გაიზარდოს მოსახლეობის მხრიდან, უნდა შეიქმნას ამის საფუძვლები", - განაცხადა ჟოზეფ ბორელმა.
