გორის მუნიციპალიტეტის მერია განცხადებას ავრცელებს

17-03-2021

გვიან ღამით, წმინდაწყლის დასახლებაში, ყოფილი საავადმყოფოს დანგრეული ფლიგელის კიბის უჯრედი ჩამოიშალა. პირველადი ინფორმაციით, ადგილზე არავინ დაშავებულა, რადგან ობიექტს მერიის მიერ დაქირავებული დაცვის სამსახური იცავს.

მერიის ბალანსზე ობიექტი გასულ წელს გადმოვიდა და ამ ეტაპზე სამხარაულის ექსპერტიზის მიერ ობიექტის ფასის დადგენა მიმდინარეობს, რათა გორის მუნიციპალიტეტის მერიამ შეძლოს მისი დანგრევის პირობით, გასხვისება.