„ქუცნაშვილის და მისი მფარველების საბოტაჟის გამო, ჩაიშალა თიანეთის საკრებულოს სხდომა, რის გამოც მათ მიერვე წინასწარ შეჭმულ 2017 წლის ბიუჯეტში ვერ მოხერხდა ცვლილებების შეტანა.შედეგად, დავალიანების გამო, 20-21 ნოემბერს მოსალოდნელია მთელ რაიონში გარე განათების გათიშვა, ასევე, ვერ დავეხმარებით ავადმყოფებს, სოციალურად დაუცველებს და სხვა. სამაგიეროდ, თავისივე სმა-ჭამაში წინასწარ გადაიხადეს ბიუჯეტიდან 20 ათასი ლარი, მათ შორის ქუცნაშვილის დუქანს 13 ათასი ლარი“, - წერს თამაზ მეჭიაური. 

თიანეთის მოქმედმა მერმა თანხის გადარიცხვის დამადასტურებელი დოკუმენტიც გაასაჯაროვა, რომლითაც რესტორან „ერწოს იდილიას“ მხოლოდ ერთ დღეში - 2017 წლის 12 აგვისტოს, - 8205 ლარი გადაერიცხა. 

თიანეთის ყოფილმა გამგებელმალელა ქიტესაშვილმა „რუსთავი-2“-სდაუდასტურა, რომ წარმომადგენლობითი ხარჯები ბიუჯეტიდან მთლიანად იქნა გახარჯული. მისი განმარტებით, ეს თანხები დაიხარჯა უცხოელი და გავლენიანი სტუმრების მიღება-გამასპინძლებაზე. 

„რეგინფოს“ ინფორმაციით, რესტორანი „ერწოს იდილია“ თიანეთის მუნიციპალიტეტის სოფელ ხევსურთსოფელში მდებარეობს. რესტორნის 70 % წილს საქართველოს პარლამენტის წევრიზაქარია ქუცნაშვილი ფლობს, დანარჩენი 30 % კი რევაზ ბოდაველისა და ელგუჯა ჩოლოგაურის მფლობელობაშია. ზაქარია ქუცნაშვილმა და მისმა პარტნიორებმა რესტორანი 2013 წლის ნოემბერში შეიძინეს. 

წყარო: reginfo.ge