რუსთავში ბუნებრივი აირით ახალგაზრდა ქალი და ორი მცირეწლოვანი ბავშვი მოიწამლა

23-03-2018

რუსთავში, თოდრიას ქუჩაზე, საცხოვრებელ ბინაში ბუნებრივი აირით სამი ადამიანი მოიწამლა. ინტოქსიკაციის დიაგნოზით, სამი პაციენტი - 29 წლის ქალი და ორი მცირეწლოვანი:10 წლის გოგონა და და 8 წლის ბიჭი კლინიკა „რუსთავში" გადაიყვანეს.
ადგილზე მობილიზებული იყო საპატრულო პოლიცია და სასწრაფო დახმარების ბრიგადები.
როგორც „ინტერპრესნიუსს" კლინიკაში განუცხადეს, სამივეს ჯანმრთელობის მდგომარეობა ამ დროისათვის სტაბილურია და მათ სიცოცხლეს საფრთხე არ ემუქრება. 
წინასწარი ინფორმაციით, ინტოქსიკაციის მიზეზი წყლის გამათბობელი გახდა.

"ინტერპრესნიუსი"