გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    მარტი 2024    »
 123
45678910
11121314151617
18192021222324
25262728293031

ლაშა ხუციშვილი: ჩვენი საბაჟო ინფრასტრუქტურა პანდემიის გამო დაწესებული გარკვეული შეზღუდვების პირობებშიც განაგრძობს 24-საათიან რეჟიმში მუშაობას

5-04-2021

ფინანსთა მინისტრი ლაშა ხუციშვილი პანდემიის პირობებში გაფორმების ეკონომიკურ ზონებსა და საბაჟო გამშვებ პუნქტებში კონტროლის პროცედურებს გაეცნო.


მინისტრმა შემოსავლების სამსახურის უფროსთან, ლევან კაკავასთან და სამსახურის სხვა ხელმძღვანელ პირებთან ერთად, დაათვალიერა თბილისში არსებული გაფორმების ეკონომიკური ზონები (,,თბილისი", ,,თბილისი 2", გაფორმების ეკონომიკური ზონა „აეროპორტი") სადაც როგორც საჰაერო, ასევე სახმელეთო ტვირთების გაფორმების პროცედურები ხორციელდება .


ასევე, საჰაერო გზით შემოსული ტვირთების მომსახურების ავია-სატვირთო ტერმინალი - „ლასარე" მოინახულა.


ფინანსთა მინისტრი კინოლოგ-ოფიცრების მუშაობას გაეცნო, რომლებიც სამსახურებრივ ძალებთან ერთად, ქვეყნის ეკონომიკური საზღვრების უსაფრთხოებას იცავენ.


ლაშა ხუციშვილი იმყოფებოდა „სადახლოსა" და „წითელი ხიდის" საბაჟო გამშვებ პუნქტებზე, სადაც მებაჟე ოფიცრებისგან ინფორმაცია მოისმინა პანდემიიდან გამომდინარე დაწესებული შეზღუდვების პირობებში, როგორ მიმდინარეობს საბაჟო კონტროლის პროცედურები, რათა საერთაშორისო გადაზიდვები დაუბრკოლებლად განხორციელდეს.


ფინანსთა მინისტრმა პანდემიის პირობებში გაწეული სამსახურისთვის. თითოეულ მებაჟე ოფიცერს მადლობა გადაუხადა.


„ჩვენი მებაჟე ოფიცრები, გაფორმების ეკონომიკური ზონების თანამშრომლები, თავისი ფუნქციებიდან გამომდინარე, თავიდანვე, კორონავირუსის წინააღმდეგ ბრძოლის წინა ხაზზე აღმოჩნდნენ. მათ განსაკუთრებული როლი ჰქონდათ, გამომდინარე იქიდან, რომ 24 საათის განმავლობაში, ისინი ემსახურებოდნენ როგორც ჩვენს მოქალაქეებსა და ტურისტებს, ისე ბიზნეს ოპერატორებს. პირველივე დღეებიდანვე, განხორციელდა ყველა საჭირო ღონისძიება, რამაც უზრუნველყო საქართველოს ტერიტორიაზე ტვირთების, მგზავრების შეუფერხებელი და უსაფრთხო გადაადგილება. მინდა მათ მადლობა გადავუხადო ამ ურთულესი სამუშაოს ღირსეულად შესრულებისთვის. ამ დროისთვისაც, ჩვენი საბაჟო ინფრასტრუქტურა პანდემიის გამო დაწესებული გარკვეული შეზღუდვების პირობებშიც განაგრძობს 24-საათიან რეჟიმში მუშაობას. დღეს, ყველაზე მთავარია, პანდემიის გამო დაწესებული რეკომენდაციების მკაცრი დაცვა და ვაქცინაციის პროცესის აქტიურად წარმართვა, რაც საშუალებას მოგვცემს საჰაეროსთან ერთად, გაიხსნას სახმელეთო საზღვარი, საბაჟო-გამშვებმა პუნქტებმა კვლავ შეუფერხებლად განაგრძონ მგზავრებისა და ტვირთების მომსახურება, რაც სასიცოცხლოდ მნიშვნელოვანი ბიძგი იქნება ეკონომიკის აღდგენის დაჩქარებისთვის", - აღნიშნა ფინანსთა მინისტრმა ლაშა ხუციშვილმა.