შუქრუთის მაღაროდან დაღუპული მუშა ამოიყვანეს

26-03-2018

ჭიათურაში, შუქრუთის მაღაროდან დაღუპული მუშა ამოიყვანეს. ცხედარი ექსპერტიზის ბიუროში გადაასვენეს. 
მომხდართან დაკავშირებით მედიასთან კომენტარი გააკეთა შპს „ჯორჯიან მანგანეზის“ სპეციალურმა მმართველმა ნიკოლოზ ჩიქოვანმა. “პირველადი დათვალიერებით შემიძლია ვთქვა, რომ რაიმე დანაშაულის ნიშნები არ იკვეთება. სპეციალისტები ფიქრობენ, რომ ყველა წესი დაცული იყო. მიუხედავად ამისა, ჩვენ დაველოდებით გამოძიებას და სრული სიმკაცრით დაისჯება ყველა, ვისი ბრალეულობაც გამოიკვეთება“, - განაცხადა ჟურნალისტებთან საუბარში ნიკოლოზ ჩიქოვანმა.

მაღაროში, 45 წლის მამაკაცი ნანგრევების ქვეშ წუხელ, ღამის 3 საათზე მოყვა.

"ინტერპრესნიუსი"